4912

Абу-Даби дунёнинг энг хавфсиз шаҳри деб топилди

БАА пойтахти Абу-Даби дунёнинг энг хавфсиз шаҳри деб топилди. 288 шаҳар киритилган рейтинг Numbeo.com портали томонидан тузилди.

Шунингдек, хавфсиз шаҳарлар қаторида Мюнхен (Германия), Тайбэй (Тайвань, Хитой), Базель (Швейцария), Доҳа (Қатар), Сингапур,

Цюрих (Швейцария) ҳам киритилди. Numbeo порталининг билдиришича, жиноятчилик даражаси 20 баллдан паст бўлган шаҳарлар хавфсиз шаҳарлар таснифидан ўрин олган.

Абу-Дабида жиноятчилик даражаси 14,4 балл деб баҳоланди. Полиция маълумотига кўра, 2011 йилда шаҳарда 100 минг аҳолига 119,8 та жиноят тўғри келган. 2015 йилда эса бу кўрсаткич 83,8 тага тушди.

Венесуэла пойтахти Каракас эса дунёнинг энг хавфли шаҳри дея эътироф этилди. Бу ерда жиноятчилик даражаси 80 баллга тенг.

ASR.UZ нинг TELEGRAMдаги каналига қўшилинг ва сўнгги янгиликларни ўтказиб юборманг