Санкт-Петербургдаги терактни амалга оширишда гумонланаётган Акбаржон Жалиловнинг яқинлари Пулково аэропортига учиб келишди. Бу ҳақда RT хабар бермоқда.
Тахминларга кўра, Жалиловнинг онаси ва отаси Қирғизистоннинг Ўш шаҳридан Санкт-Петербургга етиб келишган.
Бундан ташқари, Тергов қўмитаси Санкт-Петербург метросидаги теракт оқибатида ҳалок бўлганларнинг шахсини аниқлади ҳамда ўз сайтида теракт қурбонларининг 10 нафаридан иборат рўйхатини берди.
Эслатиб ўтамиз, 3 апрель куни Санкт-Петербург метросининг «Технология институти» бекатига «Сенная площадь» бекатидан кириб келган поездда портлаш содир бўлди. Портлаш оқибатида ҳалок бўлганлар сони 14 нафарни ташкил қилди, 49 киши жароҳатланди.