Россиялик таниқли футбол журналисти ва «Матч ТВ» телешарҳловчиси Константин Генич Ўзбекистон – Жанубий Корея ўйинини шарҳлаш учун Тошкент шаҳрига келмоқда. Бу ҳақда журналистнинг ўзи Твиттерида пост қолдирди.
«Ўзбекистонни ЖЧ-2018га олиб чиқиш учун Тошкентга учяпман», деб ёзади Генич.
Эслатиб ўтамиз, 5 сентябрь куни «Бунёдкор» стадионида Ўзбекистон терма жамоаси Жанубий Корея термасини қабул қилади. Ўйин Тошкент вақти билан 20:00 да бошланади.