45575

Янги ўқув йилидан бошлаб мактабларда янги фан ўқитилади

Ўзбекистон 10 август 10:12 986

Янги ўқув йилидан бошлаб Ўзбекистондаги мактабларда «Дунё динлари тарихи» фани ўқитилади, деб хабар берди Ўзбекистон мусулмонлари идораси.

Ушбу фан мактабларнинг 9-, 10- ва 11-синф ўқувчилари учун ҳафтада 1 соат давомида ўтилади.

«2018-2019 ўқув йили давомида “Тарих“, “Давлат ва ҳуқуқ асослар“, “Одобнома“, “Ватан туйғуси“, “Миллий истиқлол ғояси ва маънавият асослари“ каби ижтимоий фанлар билан бир қаторда “Дунё динлари тарихи“ фани ҳам ўқитилади”, – дейилади хабарда.

Бу халқ таълими вазирининг 2018 йилнинг 27 июлида қабул қилинган “Умумий ўрта таълим мактабларининг 1-11-синфлари учун 2018-2019 ўқув йилига мўлжалланган таянч ўқув режани тасдиқлаш тўғрисида”ги 191-сонли буйруғи билан тасдиқланган умумий ўрта таълим муассасалари учун 2018-2019 ўқув йилига мўлжалланган таянч ўқув режасида кўрсатилган.

Изоҳ билдириш