36924

Яна бир соҳа вакиллари учун Тошкент шаҳрида уй-жойлар қурилади

Ҳукуматнинг 2018 йил 20 апрелдаги фармойишига асосан Ўзбекистонда маданият ва санъат ходимлари учун уй-жойлар қурилади. Бу ҳақида «Huquqiy axborot» каналида хабар берилди

Хусусан:

• маданият ва санъат ходимлари учун Тошкент шаҳрида 2018-2019 йилларда 2 тадан, 2020-2022 йилларда 4 тадан жами 16 та кўп қаватли уйлар қурилади;
•  маданият ва санъат ходимлари учун 2018-2019 йилларда 2 тадан кўп қаватли уй қуриш учун Тошкент шаҳридан, шунингдек, 2020-2022 йилларда 4 тадан кўп қаватли уй қуриш учун Маданият вазирлигининг таклифларини инобатга олинган ҳолда, белгиланган тартибда ер участкалари бепул ажратиб берилади;
• қуриладиган уйларининг лойиҳалари маданият ва санъат вакилларининг ижодий фаолиятлари инобатга олинган ҳолда ишлаб чиқилади;

Фармойиш билан шунингдек, Маданият вазирлигига уй-жой шароитларини яхшилашга эҳтиёжманд бўлган маданият ва санъат ходимлари рўйхатини шакллантириш ҳамда уларга қуриладиган уйларни ипотека кредити асосида сотиб олишларига кўмаклашиш вазифаси юкланди.