Илк онлайн петициялар «Mening fikrim» порталида чоп этилди.

Ўзбекистон 27 апрель 10:17 510

Жамоатчилик ташаббуслари ягона платформаси хисобланган «Mening fikrim» порталида илк петициялар чоп этилди. Порталда Сизни ўйлантираётган мавзулар бўйича таклифларингизни билдиришингиз мумкин.Таклифингиз модераторлар томонидан текширилгандан сўнг улар Порталда эълон қилинади. Сизнинг жамоавий мурожаатингиз зарур миқдордаги овозларни олган тақдирда у Олий Мажлис палаталари ёки Халқ депутатлари маҳаллий Кенгашлари томонидан кўриб чиқилади.

Хозирда порталда 4та хабар эълон қилинди.

1. Бозорлар ҳисобидаги дўкон ва расталарни онлайн ижарага бериш ва электрон ҳисобга олиш тизимини жорий этиш лозим

2. Мактабларда ўқувчилардан, уларнинг ота-оналаридан пул йиғиш ҳолатларига барҳам бериш ва бунга йўл қўйган шахсларга жавобгарлик белгилаш лозим

3. Темир йўл вокзалларига кириб-чиқишни эркинлаштириш лозим

4. Аёллар ва эркаклар учун никоҳ ёшини бир хил этиб (18 ёш) белгилаш лозим

Мазкур мурожаатларни Ягона идентификация тизими (id.gov.uz) орқали ўз шахсини тасдиқлаган фойдаланувчилардан камида 5 нафари қўллаб-қувватлаши талаб этилади. Бунинг учун мурожаат фойдаланувчилар эътиборига ҳавола этилади.

Мурожаат етарли миқдорда овоз тўпласа, Ўзбекистон Республикаси Олий Мажлиси ҳузуридаги Қонунчилик муаммолари ва парламент тадқиқотлари институти томонидан экспертизага қабул қилинади. Институт мурожаатни ўрнатилган талабларга мувофиқлигини текшириш учун экспертиза ўтказади.