41861

Фарғонада иккинчи кун: Президент ҳарбийлар билан мулоқот қилди

Ўзбекистон 13 июнь 12:50 417

Ўзбекистон Республикаси Президенти, Қуролли Кучлар Олий Бош Қўмондони Шавкат Мирзиёев Фарғона вилоятига ташрифининг иккинчи куни Шарқий ҳарбий округга қарашли ҳарбий қисмга ташриф буюрди.

Хавфсизлик кенгашининг кенгайтирилган йиғилишида берилган вазифалар ижроси доирасида амалга оширилаётган ишлар билан танишди. Ҳаво десантчилар бригадасининг жанговар машғулотларини кузатди, ҳарбийлар билан мулоқот қилди.

«Ватанни севиш – улуғ фазилат. Ёшларимизни ана шундай фазилатли қилиб тарбиялашимиз керак. Бунинг учун сиз каби мағрур, бақувват йигитлар намуна бўлиши зарур. Ёшлар билан тез-тез учрашиб туриши, уларни миллий ифтихор, ватанга садоқат руҳида тарбиялашга ҳисса қўшиши керак», деди Шавкат Мирзиёев.

Ҳаво десантчилари тайёргарлигини ошириб бориш учун аэродинамик тренажёрлар ўрнатиш, «Ватанпарвар» ташкилотлари қошида парашютчилар тўгараклари очиш бўйича топшириқлар берилди.

Давлатимиз раҳбари ҳарбий қисмда ташкил этилган Маданий ҳордиқ маркази, кутубхонани ўз ичига олган Маънавият маркази, аутсорсинг тизими жорий этилган ошхонани кириб кўрди.

  • Davron Kenjayev demoqda:

    Ватанимиз сархатларини мардонавор химоя қилаётган Қуролли Кучларда хизмат қилаётган харбийларга бўлган эьтибор кундан кунга ошиб бормоқда. Президентимиз томонидан қабул қиланаётган қарор ва фармонларида кўришимиз мумкин. Президентимиз қайси вилоятга ташриф буюрсала алббата ўша вилоятнинг Қуролли Кучларига эьтибор қаратиб харбийлар билан сухбатлашадилар.

Изоҳ билдириш