39823

Қарздор шахсларга айрим турдаги давлат хизматлари кўрсатилмайди

Ўзбекистон 23 май 17:26 717

Вазирлар Маҳкамасининг 2018 йил 21 майдаги қарори билан электр энергияси, табий газ етказиб бериш, сув таъминоти ва сув чиқариш хизматлари ҳамда ижро ҳужжатлари бўйича қарздорлик текширилгандан содир этиладиган йирик битимлар ва кўрсатиладиган хизматлар рўйхати тасдиқланди. Бу ҳақида Адлия вазирлиги маълум қилди.

Эндиликда қуйидаги руйхатга киритилган хизматлар Мажбурий ижро бюроси маълумотлар базасида қарзорлик аниқланмаган тақдирдагина кўрсатилади:

Жисмоний ва юридик шахсларда қарздорлик аниқланган тақдирда, битимни амалга ошираётган ёки хизматлар кўрсатаётган ташкилотлар қарздорга Бюро маълумотлар базасидан олинган тегишли кўчирма нусхани тақдим қилган ҳолда битимни амалга ошириш ва хизматлар кўрсатишни рад этади.

Етказиб берилган энергия ресурслари, сув таъминоти ва сув чиқариш хизматлари учун қарздорликни текшириш жисмоний шахсларга – кўчмас мулк объектлари мулкдорларига ва қарздор – кўчмас мулк мулкдорининг турар жой манзили бўйича доимий прописка қилинган шахсларга нисбатан амалга оширилади.

Бундан ташқари, қабул қилинган қарор билан Бюрога жисмоний шахсларнинг етказиб берилган энергия ресурслари, сув чиқариш хизматлари, ижро ҳужжатлари бўйича қарзларни тўлашнинг қўшимча шакллари, фуқароларнинг қарздорлик мавжудлиги ва уни замонавий ахборот-коммуникация технологиялардан, шу жумладан, SMS хабарлар ва USSD сўровлардан фойдаланган ҳолда тўлаш тартиби тўғрисида хабардор қилиш шаклларини жорий этиш ҳуқуқи берилди.

Изоҳ билдириш