12708

«Қарши-Китоб» йўналишида тезюрар поезд қатнови йўлга қўйилади

Ўзбекистон 12 июль 12:36 414

«Қарши-Китоб» темир йўл линияси электрлаштирилади ва ушбу йўналишда тезюрар йўловчи поезд қатнови йўлга қўйилади. Президент Шавкат Мирзиёев 10 июль куни бу ҳақдаги қарорни имзолаган.

2017-2018 йилларга мўлжалланган ушбу лойиҳанинг умумий қиймати 58,87 млн долларни ташкил қилади. Бунинг учун «Ўзбекистон темир йўллари» АЖ нинг 18,58 млн доллар, «Ўзбекэнерго» АЖ нинг 7,31 млн долларлик маблағлари йўналтирилади. Ўзбекистон Республикаси тикланиш ва тараққиёт Жамғармаси томонидан «Ўзбекистон темир йўллари» АЖга 18,92 млн долларлик кредит тақдим этилади.

Қарор билан 2019 йилга қадар лойиҳанинг барча иштирокчилари солиқ ва божхона тўловларидан озод этилади.

Изоҳ билдириш