Адлия вазирлиги АҚШнинг энг кучли 5 юридик компанияси билан меморандум имзолади
20 сентябр куни Нью-Йорк шаҳрида ўтказилган ўзбек-америка бизнес-форумида Ўзбекистон Адлия вазирлиги АҚШнинг 5 та энг кучли юридик компанияси ҳисобланган «White & Case», «Sidley Austin», «Hogan Lovells», «Holwell, Shuster and Goldberg» ва «Foley Hoag» ҳамкорлари билан алоҳида учрашувлар ўтказди. Бу ҳақда Адлия вазирлиги матбуот хизмати хабар бермоқда.
Мазкур юридик компаниялар ва Адлия вазирлиги ўртасида Ўзбекистонда юристлар малакасини ошириш бўйича Меморандумлар имзоланди. Унга кўра, юристлар малакасини ошириш бўйича махсус марказ очилади ва унинг фаолияти Ўзбекистон Республикаси Ташқи иқтисодий фаолият миллий банки томонидан қўллаб қувватланади.
Имзоланган ҳужжатлар доирасида халқаро инвестициялар ва тижорат низолари, адвокатлик техникаси масалалари бўйича тажриба алмашиш тренингларини ўтказиш ва юридик компанияларда вазирлик ва идоралар ходимлари учун амалиётларни ташкил этиш режалаштирилган. Ушбу тадбирлар вазирлик ва идоралар ходимларининг халқаро ҳуқуқ ва халқаро арбитраж масалалари бўйича билим ва кўникмаларини оширишга хизмат қилади.
Сўнгги янгиликлар
-
25 декабрь 15:05 -
24 декабрь 13:43
-
24 декабрь 11:30
-
20 декабрь 9:19
-
20 декабрь 9:10
-
19 декабрь 15:27 -
19 декабрь 13:16
-
19 декабрь 13:04
-
19 декабрь 10:39
-
19 декабрь 8:57
