22530

Кимлар давлат бюджети хисобидан имтиёзли тиббий ёрдам олиш ҳуқуқига эга

Тиббиёт 1 ноябрь 16:20 1 153

Президентнинг 30.10.2017 йилдаги ПФ–5216-сон «Ўзбекистон Республикаси Президентининг айрим ҳужжатларига ўзгартириш ва қўшимчалар киритиш тўғрисида»ги фармони эълон қилинди.

Барча республика ихтисослаштирилган илмий-амалий тиббиёт марказлари (кейинги ўринларда – РИИАТМ) томонидан Давлат бюджети маблағлари ҳисобига ёрдам кўрсатиладиган имтиёзли фуқаролар тоифалари рўйхати 9 дан 16 та тоифага кўпайтирилди.

Рўйхатга ушбу тоифадагаи одамлар киритилган:

– 18 ёшгача болалар;
– ҳомиладор аёллар (уларга акушер ва гинекология РИИАТМда хизмат кўрсатилади);
– эндокрин касалликларидан азият чекувчлар (эндокринология  РИИАТМ);
– онкологик касалликларга чалинганлар (онкология ва тиббий радиология РИИАТМ);
– силга чалинганлар (фтизиатрия ва пульмонология РИИАТМ);
– жинсий йўл билан юқувчи касалликлардан жабр кўрганлар (дерматовенерология ва косметология РИИАТМ).

Бу тоифага кирувчи барча фуқаролар давлат ҳисобидан тиббий ёрдам оладилар. 

Имтиёзга эга фуқаролар қаторига чақирув комиссияларининг йўлланмаларини олган ҳарбий хизматга чақириладиган ёшдаги шахслар ҳам киритилди. Бундан ташқари, бепул ёрдам нафақат ўз-ўзини бошқариш органларининг моддий ёрдамини олаётган шахсларга, балки кам таъминланган оила аъзоси сифатида ҳисобга олинганларга ҳам  кўрсатилишига аниқлик киритилган.

Эслатиб ўтамиз, муқаддам рўйхатга қуйидагилар киритилган эди:

1) болаликдан ногиронлар;
2) чин етимлар;
3) I ва II гуруҳ ногиронлари;
4) 1941–1945 йилги уруш ногиронлари ва иштирокчилари ҳамда уларга тенглаштирилган шахслар; 5) пенсия ёшига тўлган ишламайдиган пенсионерлар;
6) 1941–1945 йилги уруш меҳнат фронти қатнашчилари;
7) Чернобиль АЭС ҳалокати оқибатларини тугатишда иштирок этган шахслар орасидаги ногиронлар; 8) ҳарбий-интернационалистлар.

Изоҳ билдириш