36727

«Роскомнадзор» Google’ни блоклади

«Роскомнадзор» Google қидирув тизимини қисман блоклади, дея хабар берди prometheus.ru.

Манбага кўра, идора провайдерларга блоклаш учун бир неча IP-манзилни йўллаган, улар орасида google.com қидирув хизматининг бош саҳифаси ҳам бўлган. Манзиллар РФ Бош прокуратурасининг 16 апрелдаги қарорига мувофиқ блокланган. «Роскомнадзор» Google’нинг қатор IP-манзиллари блокланишига доир хабарни тасдиқлаган. 

«Роскомнадзор»да бундай чоралар ҳақиқатда Telegram мессенжери блокланиши билан боғлиқ экани тан олинди.

«Бугунга келиб Google «Роскомнадзор»нинг талабларини қониқтирмади ва суд қарорини бузиб, Telegram Messenger Limited Liability Partnership’га Россия ҳудудида фаолият юритиш учун ўз IP-манзилларидан фойдаланиш имконини бермоқда», – дея изоҳ берилди идорада.