29131

Нима учун ходимларни пул бошқа илҳомлантирмайди, ва бу билан нима қилиш керак?

Технология 12 январь 15:31 856

Роботлар даври, автоматлаштириш ва инсониятнинг оммавий ишсизлиги яқинлашмоқда. Beeline Uzbekistan HR-директори София Гайнутдинова билан ижодий ва натижаларга эга жамоани қандай сақлаб қолиш ва нима учун пул билан илҳомлантириш бошқа иш бермаслиги ҳақида суҳбатлашдик.

— София, йирик телеком-компаниянинг HR-дирекциясини бир неча йилдан бери бошқариб келмоқдасиз, сизнинг фаолиятингиз эса бир неча маротаба нуфузли совринлар билан тақдирланган. Digital даврида ходимларни қандай илҳомлантириш ҳақида гапириб беринг?

— Beeline‘да ишлаш учун инновацион ечимлар ва ностандарт ёндашувлар керак бўлади. Бизнинг жамоа бугунги кунда олиб бораётган лойиҳалари, эртанги кунда телеком ва digital-соҳасининг кўринишини ўзгартиради. Шунинг учун биз ўз қаторларимизга малакали, ижодий ва инновацияларга очиқ бўлган мутахассисларни жалб қиламиз ва улар учун максимал қулай шароитларни яратиб берамиз.

— Уларни қандай қилиб ушлаб қоласиз? Пул биланми? Ёки яна нимадир борми?

— Пул – ҳар доим ҳам энг муҳим ва самарали илҳомлантирувчи эмас. Биз ҳар йили ходимлар орасида сўровнома ўтказамиз, ва унинг натижаларига кўра шу маълум бўлдики, ходимларни аввалам бор компаниянинг маданияти, қизиқарли лойиҳалари, юқори малакага эга бўлиш ва ундан бошқалар билан бўлишиш имконияти қизиқтиради. Жамоада ишлаш, бизнес учун ўз ғояларини тарғиб қилиш, бош директор ва топ-менежерлар билан бемалол мулоқотда бўлиш – буларнинг барчаси биз бир неча йилдан бери қуриб келаётган маданиятимизнинг бир қисмидир.

— Сиз «корпоратив маданият» деб айттингиз. Beeline‘да у қандай?

— Компаниямизнинг маданияти бешта асосий қадрияти мавжуд: Collaborative, Innovative, Truthful, Entrepreneurial, Customer Obsessed. Компаниямизнинг ҳар бир лойиҳасида бизнинг қадриятларимиз акс эттирилган. Ушбу қадриятларнинг моҳияти бозордаги бизнинг миссиямиз ва ҳаракатларимизни акс эттиради: биз инновацияларни жорий қиламиз, йўналишларни ўрнатамиз, имкон қадар очиқ ва шаффоф тарзда ишлаймиз, юқори натижаларга эришишга интиламиз. Босқичма-босқич биз ички маданиятни барпо этамиз, унда жамоамизнинг ҳар бир аъзоси ўзини катта маданиянинг бир қисми деб ҳис этади.

Корпоратив маданият – айнан уни пулга сотиб олиб бўмайди. Бунинг сабаби, ходимларнинг иштиёқ билан ишлаши ва янги ғалабаларга эришишидир. Кучли корпоратив маданиятга эга бўлган компанияларда инсонлар кўп йилларга қоладилар, жамоа билан бирга ўсадилар ва режалар қурадилар. Шундай ходимларни пул эвазига бошқа корхоналарга чақириб олиш жуда қийин.

Биз компанияда тез-тез янги нарсаларни ўйлаб топамиз, ҳаракат қиламиз, янги форматларини киритамиз. Биз вақти-вақти билан квестлар ташкил қиламиз. Масалан, ўтган йили кичик Чимёнга чиқдик. Баҳорда эса Хивадаги эски шаҳарда квест ташлик қилдик. Биз ҳамкасбларимиз орасида Digiton-Hackathon ўтказамиз. Биз ходимларнинг фарзандларини фаолиятга жалб қиламиз, улар учун мавзули мусобақаларни ташкил қиламиз.

Декабрь ойида биз – Self Learning Lab – иш жойида ривожланиш ва ўқитиш учун доимо кенг имкониятларни тақдим этувчи кучли ўқув лойиҳаси яратиб бердик. Бу ходимларимиз учун онлайн режимда иштирок этишлари, тажрибаларини баҳам кўришлари, топшириқлар, тестлар ва бошқа кўплаб нарсалар билан ишлаш, имкониятларни кенгайтириш ва ўз малакаларини оширишлари учун ажойиб лойиҳа. Бизнинг жамоамиз ёш ва шунга ўхшаш ечимни жорий қилиш кўп вақтдан бери режамизда бор эди. Ўйлайманки, бу бизнинг маданиятимизнинг бир қисми ва ёшлар учун ажойиб мотивация бўлади.

— Бундай фаолиятнинг натижалари қандай ва айнан нима энг яхши натижа берди?

— Уларнинг ҳар бири муайян натижа учун мўлжалланган, умуман олганда, уларнинг қайси бири яхши ёки ёмон иш берганини аниқлаш қийин. Масалан, бир йил аввал биз ички коммуникациялар форматини синаб кўрдик – офис атрофида йирик мониторлар ўрнатдик, у эрда Beeline ҳаётига, унинг натижаларига, ғалабаларимизга, янгиликларга бағишланган ходимларнинг қўллари билан яратилган видеоклиплар кундан-кунга айлантириб келинмоқда. Ушбу ғоя узоқ муддатли натижаларга эришиш учун мўлжалланган, ва биз ҳозир унинг самарадорлигини кўриб турибмиз.

— Ўтган йили Head Hunter томонидан ташкиллаштирилган HR-бренд танловида «олтин»га эга бўлдингиз. Ушбу соврин Сиз учун қандай аҳамиятга эга?

— Бу катта ғалаба ва унга биз жуда тайёрланган эдик. Это огромная победа, мы к ней очень долго шли. Head Hunter-дан HR-бренд танлови ҳар доим Eвроосиёнинг турли мамлакатларидаги HR-соҳасининг энг кучлиларини ўз ичига олади! Ушбу мукофотга қандай даражадаги лойиҳалар номзодлигини тасаввур қила олиш қийин, бу жуда обрўли. Биз бу лойиҳа устида бир неча йил ишлаганмиз, ва бизга берилган совриндан биз жуда мамнунмиз. Бизнинг жамоамиз учун бу умумий ва жуда муҳим соврин. Ўйлайманки, биз унда индивидуал ёндашув ва ижодий ечимлар учун мукофотландик.

Изоҳ:

2017 йилнинг ноябрь ойида София бир вақтнинг ўзида иккита нуфузли HR-совринларга эга бўлди. Евроосиё HR Excellence professional мукофоти танлови бўйича энг яхши HR директори ва Head Hunter‘дан «Корхона маданияти» номинацияси бўйича «HR brendi» деб топилди.

— Суҳбат сўнгида иштиёқ билан ишлаш учун учта маслаҳат берсангиз?

— Менинг маслаҳатларим жуда оддий. Биринчиси – ҳодимларнинг ғояларини бошидан қўллаб-қувватланг. Иккинчиси — доимо узликсиз қайта алоқа олиш имконини беринг. Ва албатта, сўнгида эътироф қилишни унутманг, бу жуда ҳам муҳим. Бонус сифатида эса кроссфункционал алоқалар (жамоалар орасидаги мулоқот) билан тажриба ўтказиб кўришни маслаҳат қилар эдим.

Изоҳ билдириш