33539

Зидан: «Неймарнинг ўрнига бошқа футболчи майдонга тушади ва албатта ўзини кўрсатишга уринади»

Спорт 6 март 9:01 217

Мадриднинг «Реал» клуби бош мураббийи Зинедин Зидан ЕЧЛ нимчорак финалида «ПСЖ»га қарши жавоб ўйинидан олдин ўз фирклари билан ўртоқлашди.

Ўйин 6 март куни бўлиб ўтади.

«Биз Париждамиз. Мен эса Марсельданман ва Францияга қайтиш мен учун ўзига ҳос хурсандчилик беради. Мен бу ерга қайтишим ҳозир ҳеч қандай аҳамиятга эга эмас. Ҳозир энг муҳими биз бўлажак ўйинда қандай ўйнашимизда. Ишончим комил, бизни ажойиб футбол оқшоми кутмоқда.

Мазкур ўйинда ҳамма нарсага тайёр бўлишимиз керак ва ўзимизнинг энг яхши ўйинимизни намойиш этишга интилишимиз зарур. Бу ўйин 90 дақиқа балки ундан ҳам кўпроқ давом этиши мумкин.

Неймарнинг йўқлиги бизга ҳеч қандай таъсир ўтказмайди. Унинг ўрнига бошқа футболчи майдонга тушади ва албатта ўзини кўрсатишга уринади. Бу эса ўйинни ўзгартириши мумкин, лекин бу бизнинг тайёргарлигимизга таъсир ўтказмайди.

Эртага қайсидир жамоа аччиқ туйғуларни ҳис қилиши аниқ, лекин бу футболнинг бир қисми. Мен шунчаки чиройли футбол кўришни истайман. Бизга осон бўлмаслиги аниқ, бироқ биз қийинчиликлар билан курашиб чирой ўйин кўрсатамиз», – дейди Зидан.

Эслатиб ўтамиз, жамоаларнинг биринчи тўқнашувида «Реал» 3:1 ҳисобида ғалаба қозонган эди.

Изоҳ билдириш