23860

Жаҳон чемпионатида иштирок этувчи барча 32 терма жамоа номи маълум бўлди (фото)

2018 йили Россияда бўлиб ўтадиган жаҳон чемпионатида иштирок этувчи барча 32 терма жамоа номи малум бўлди.

Қиталараро плей-офф баҳсларида Перу Янги Зеландия тўсиғидан ўтди ва охирги йўлланмани қўлга киритди.

Эвропа Россиядаги турнирга 14 терма жамоа тақдим этади, улардан 9таси гуруҳларда биринчи ўринларни эгаллаган ҳолда тўғридан-тўғри йўлланмага эга бўлган, 4та терма жамоа гуруҳларда иккинчи бўлган терма жамоалар ўртасида икки учрашувдан иборат ўтиш ўйинлари орқали чиққан. УЭФА ҳудудида тўғридан-тўғри йўлланмага Франция, Португалия, Германия, Сербия, Полша, Англия, Испания, Белгия ва Исландия эга бўлган. Хорватия, Швейцария, Дания ва Швеция плей-офф ўйинлари орқали чиқишди, ўн тўртинчи вакил мезбон – Россия.

Жанубий Америка футбол конфедерация (КОНМEБОЛ) ҳудудидан Бразилия, Уругвай, Аргентина ва Колумбия тўғридан-тўғри йўлланмага эга бўлишди, Перу бешинчи ўринни эгаллади ва плей-оффда Океания вакили Янги Зеландияга қарши ўйинлар ўтказди (0:0, 2:0).

Мексика, Коста-Рика ва Панама жаҳон чемпионатининг финал қисмига Шимолий ва Марказий Америка ҳамда Кариб ҳавзаси (КОНКАКАФ) ҳудудида саралашнинг 5-раундида дастлабки 3 ўринни эгаллаган ҳолда чиқди. Осиё футбол конфедерацияга тўрт ўрин ажратилганди: Японии, Эрон, Жанубий Корея ва Саудия Арабистони бу ўринларни банд қилди. Саралашнинг 4-раундида Сурияни мағлуб этган Австралия плей-оффда КОНКАКАФ вакили Ҳондурасни мағлуб этди (0:0, 3:1).

Африка футбол конфедерациясида эса Тунис, Нигерия, Марокаш, Сенегал ва Миср ўз гуруҳларида ғолиб чиққан ҳолда Россияга борадиган бўлишди.

Россия мундиали учун қура ташлаш маросими 1 декабр куни Москвада ўтказилади, турнир 2018 йилнинг 14 июнидан 15 июлига қадар Россиянинг 8 шаҳридаги 11 стадионда бўлиб ўтиши белгиланган.

Қурада терма жамоалар 4та саватчага ажратилади.
Манба: fcb.uz