Ўзбекистонда йил жанги бўлиши кутилаётган Кличко – Жошуа тўқнашуви жонли эфирга узатилади
UZREPORT TV профессионал бокс бўйича супер-оғир вазн тоифасининг Владимир Кличко ва Энтони Жошуа ўртасидаги чемпионлик жангини жонли эфирда намойиш этиш ҳуқуқини қўлга киритди.
Шу йилнинг 29 апрель куни профессионал бокснинг энг оғир вазн тоифасида йилнинг муҳим воқеаларидан бири рўй беради. Унда сўнгги йилларда ушбу вазнда мутлоқ етакчи бўлган Владимир Кличко ҳамда айни вақтда IBF йўналишида жаҳон чемпиони ва ҳали бирор марта мағлубиятга учрамаган Энтони Жошуа ўзаро рингга чиқишади.
Бокс кечаси Лондон шаҳридаги машҳур “Уэмбли” стадионида бўлиб ўтади. Ушбу жангга бутун дунё спорт мухлислари томонидан улкан қизиқиш билдирилмоқда. Шу жумладан Ўзбекистонда ҳам миллионлаб бокс мухлислари жангни кутишмоқда.
Бу воқеага бўлган катта эътиборни инобатга олган ҳолда UZREPORT TV телеканали Кличко – Жошуа жанги ва шу кеча ўтказиладиган бошқа қатор жангларни жонли эфирда трансляция қилиш ҳуқукини расман қўлга киритди. 29 апрель куни ўтказиладиган беллашувни UZREPORT TV телеканали мухлислари жонли эфирда томоша қилишлари мумкин бўлади.
UZREPORT TV телеканалида сюрпризлар мавсуми давом этади!
Сўнгги янгиликлар
-
17 декабрь 11:39 -
16 декабрь 12:05
-
23 октябрь 16:22
-
16 октябрь 15:09
-
27 сентябрь 22:31
-
24 сентябрь 14:08 -
23 сентябрь 13:52
-
13 сентябрь 15:50
-
12 сентябрь 12:31
-
11 сентябрь 11:58
