Бокс бўйича филиппинлик собиқ жаҳон чемпиони Мэнни Пакьяо ўзининг навбатдаги жангини апрель ойида ўзбекистонлик Қудратилло Абдуқаҳҳоровга қарши ўтказиши мумкин. Бу ҳақида Абдуқаҳҳоровнинг ўзи Olamsport нашрига маълум қилган.
«Пакьяо апрель ойида Топ-15ликка кирувчи боксчилардан бирига қарши рейтинг жангини ўтказиши керак. Ўша тўқнашув Малайзияда бўлиши кутилмоқда. Менинг менежерларим ҳам малайзиялик. Шу сабабдан ҳам, у билан келишувга эришишимиз эҳтимоли юқори», – деган Абдуқаҳҳаров.
Эслатиб ўтамиз, WBC томонидан февраль ойи учун эълон қилинган рейтингда Пакьяо учинчи, Қудратилло эса 5-поғонадан жой олганди.