46252

Шоҳжаҳон Эргашев яна бир рақибини нокаут қилди (видео)

Профессионал рингда фаолиятини давом эттираётган ҳамюртимиз Шоҳжаҳон Эргашев Россия пойтахти Москва шаҳрида навбатдаги жангини ўтказди.

Чарм қўлқоп устамиз бу сафар угандалик Жума Васвага қарши рингга кўтарилди. Ушбу жангда Шоҳжаҳон ўзининг «WBA International» камарини ҳимоя қилди. Жангнинг тўртинчи раундида Эргашевнинг кучли зарбаларидан сўнг рефери баҳсни тўхтатишдан ўзга чора топа олмади. Шу тариқа, ҳамюртимиз нокаут эвазига жангни муддатидан олдин тугатди.

Маълумот учун, Шоҳжаҳон Эргашев профессионал рингда 14та жанг ўтказган бўлиб, уларнинг барчасида ғалаба қозонган. Жангларнинг 13тасида эса у рақибларини муддатидан аввал нокаут ва техник нокаут эвазига мағлуб этган.

Васва ҳам профессионал боксда 14 та жанг ўтказиб, уларнинг 10 тасида ғалаба қозонган (4та нокаут). Учта жангда мағлуб бўлган. Битта тўқнашувда дуранг натижа қайд этилган.