6 февраль куни футбол бўйича 2018 йилги жаҳон чемпионатининг кубоги Тошкентга олиб келинади. Бу ҳақда ФИФАнинг жаҳон чемпионатига бағишланган сайтида хабар қилинди.
Жаҳон кубоги саёҳати Россияда бўлиб ўтадиган футбол бўйича жаҳон чемпионати олдидан ўтказилмоқда.
Кубок саёҳати давомида ҳар бир ҳудудда ижтимоий ва спорт тадбирлари ўтказилиши режалаштирилган.
Кубок 7 февраль куни Туркманистон пойтахти Ашхободга олиб кетилади.