14737

Енгил атлетика бўйича жаҳон чемпионати иштирокчилари орасида юқумли касаллик тарқалди

Дунё | Спорт | Тиббиёт 9 август 9:18 408

Енгил атлетика бўйича жаҳон чемпионати иштирокчилари орасида юқумли касаллик тарқалди.

Айни кунларда Лондонда ўтаётган енгил атлетика бўйича жаҳон чемпионатининг 30 иштирокчиси – спортчилар, мураббийлар ва хизмат кўрсатувчи ходимлар гастроэнтерит юқумли касаллигидан даволанишмоқда. Лента.ру нашрининг британиялик шифокорларга иқтибос келтирган ҳолда хабар беришича, барча касалланганлар Тоwер Ҳотел меҳмонхонасида яшашган ва турли терма жамоалар аъзоларидир.

Меҳмонхона раҳбариятининг таъкидлашича, инфекция манбаси меҳмонхонадан ташқарида жойлашган.

Юқумли касалликнинг оммавий тарқалиши ҳақида илк бор 7 августда маълум бўлган.

Гастроэнтерит ошқозон ва ингичка ичакнинг яллиғланиши бўлиб, қайт қилиш, диарея, ички оғриқлар ва спазмлар билан кечади.

Жаҳон чемпионати 4 августда бошланган ва 13 августгача давом этади

Изоҳ билдириш