17738

Хонободда «Москвич» ёниб кетди

Жамият 13 sentyabr 16:30 136

Андижон вилоятининг Хонобод шаҳрида автомашинада ёнғин юзага келди. Бу ҳақида Ўзбекистон ИИВ Ёнғин хавфсизлиги бош бошқармаси матбуот хизмати хабар қилди.

Хабарда билдирилишича, 11 сентябрь куни Хонобод шаҳридаги ёнғин хавфсизлиги қисмига «Анҳор» маҳалла фуқаролар йиғинининг Дўстлик кўчасида автомашина ёнаётгани ҳақида хабар келиб тушди.

Ёнғин ўчириш бўлинмаси зудлик билан воқеа жойига етиб келди ва ёнғин ўчирилди.

Ёнғин оқибатида, 1984 йилда ишлаб чиқарилган «Москвич-2140» русумли автомашинанинг мотор ва салон қисми зарарланган.

Ёнғинга автомашинанинг мотор қисмидаги электр симларининг қисқа туташуви сабаб бўлганлиги тахмин қилинмоқда.

Ёнғинда тан жароҳатини олганлар йўқ.

Ёнғин хавфсизлиги бош бошқармаси ҳайдовчиларга автотранспорт воситаларини ўз вақтида техник кўрикдан ўтказиб туришларини тавсия қилмоқда.

ASR.UZ нинг TELEGRAMдаги каналига қўшилинг ва сўнгги янгиликларни ўтказиб юборманг
Изоҳ билдириш

Сўнгги янгиликлар