Фаолияти қониқарсиз бўлган 2 нафар депутатнинг ваколатлари муддатидан олдин тугатилди
Сирдарё вилояти Мирзаобод туман Кенгаши депутатлари Машраббой Абдуваҳобов ва Абдусалом Мирраҳимовнинг ваколатлари муддатидан олдин тугатилган. Бу ҳақда «XXI asr» газетаси хабар қилди.
O‘zLiDeP Сирдарё вилояти Кенгаши раисининг биринчи ўринбосари Фахриддин Абдусатторовнинг сўзларига кўра, уларни депутатликдан муддатидан аввал чақириб олиш ҳақида Халқ депутатлари туман Кенгашига ёзма равишда мурожаат қилинган. Бунга икки депутатнинг зиммасидаги бурч ва масъулиятга совуққонлик билан қарагани сабаб қилиб келтирилган.
“Фаолияти қониқарсиз бўлган бошқа депутатларимизнинг ҳам масаласи кўриб чиқиляпти”, – дейди Ф.Абдусатторов.
O‘zLiDePдан Халқ депутатлари Сирдарё вилояти Кенгашига 19 нафар, туман ва шаҳар кенгашларига эса 107 нафар депутат сайланган. Масъулларнинг маълум қилишича, вилоят Кенгашидаги депутатлардан 2 нафари, туман ва шаҳар кенгашларидаги партия вакилларидан 11 нафари партия билан алоқани буткул узиб қўйган.
Сўнгги янгиликлар
-
24 декабрь 13:31 -
24 декабрь 11:37
-
23 декабрь 17:16
-
23 декабрь 17:08
-
23 декабрь 16:50
-
23 декабрь 16:16 -
23 декабрь 16:08
-
23 декабрь 15:49
-
23 декабрь 10:35
-
23 декабрь 10:16
