39722

Жонгвон Ем: Ўзбекистонда тадбиркорлар учун барча имкониятлар яратилган

Ўзбекистон бизнес учун қулай мамлакат- дейди Жанубий Кореянинг ENPLUS Co. LTD компаниясининг директори (менежери).  – Чунки Ўзбекистондаги мавжуд инвестиция муҳити ҳар қандай хорижий тадбиркорларни қониқтиради. Тўғриси мен бу ҳақида маълумот олиш учун кўп овора ҳам бўлмадим.

Ўзмиллийбанк қошидаги Экспортни қўллаб-қувватлаш Жамғармасининг Жанубий Кореядаги ваколатхонасидан етарли маълумотларни олдим. Мени қувонтиргани шу бўлдики, Ўзбекистонда бизнесимни йўлга қўйиш ниятида эканлигимни билгач улар мен билан бирга Ўзбекистонга келишди.

Мана шунинг ўзи ҳам Ўзбекистонда тадбиркорларга бўлган муносабатнинг яққол кўринишидир.  Мақсадим бу ерда корхона очиб, 20 дан ортиқ турдаги энергия тежамкор лампалар ишлаб чиқаришни йўлга қўймоқчиман.

Жамғарманинг Жанубий Кореядаги ваколатхонаси бошлиғи Валерий Кимнинг таъкидлашича бугунги кунда Ўзбекистонда ўз бизнесини йўлга қўймоқчи бўлган кореялик тадбиркорлар сони ортиб бормоқда.

Масалан, SPERO GLOBAL инвестиция компаниясидир. Компания бошқаруви раиси Жонгвон Ем ҳам Жамғарманинг Кореядаги ваколатхонаси орқали юртимизда ўз бизнесини йўлга қўймоқчи.

– Компаниямиз Ўзбекистондаги қулай ишбилармонлик муҳити яратилганини жуда қадрлайди. Тадбиркорлар учун барча имкониятлар яратилган, – дейди компания директори Жонгвон Ем.

–  Ўзмиллийбанк қошидаги экспортни қўллаб-қувватлаш жамғармаси кўмагида компаниямиз келгуси режаларимизни тузиб олдик. Яқин орада фаолиятимизни йўлга қўямиз. Чунки Ўзбекистондаги мавжуд инвестиция иқлими бизнинг ҳар томонлама эркин фаолият юритишимиз учун мосдир.

Кореялик ишбилармонлар вакиллари, шунингдек ичимлик сувини тозалаш қурилмалари ва ускуналари ишлаб чиқаришни йўлга қўйишни ҳам режалаштирган бўлиб, бунинг учун 3 миллион АҚШ долларлик инвестиция жалб этиш устида ўз бизнес режаларини тақдим этишди.