Экспортга масъул бўлган икки ташкилотга янги раҳбарлар тайинланди
Ўзбекистонда “Ўзсаноатэкспорт” ва «Ўзтрейд» акциядорлик жамиятларига янги раҳбарлар тайинланди. Бу ҳақда Asr.Uz ахборот манбаси хабар берди.
Хабарга кўра, Ташқи савдо вазирлиги «Ўзсаноатэкспорт» акциядорлик жамияти бошқаруви раиси этиб, Ойбек Алибекович Мирзабеков тасдиқланган.
Мирзабеков бунга қадар ушбу жамият раиси вазифасини вақтинча бажарувчи бўлиб ишлаётганди.
Эслатиб ўтамиз, ушбу тузилма 2015 йилда Ўзбекистон президенти Шавкат Мирзиёевнинг қарори билан ташкил қилинган. «Uzsanoatexport» ўша вақтда мавжуд «Markazsanoateksport» ва «Uzprommashimpeks» акциядорлик жамиятлари базасида ташкил қилинган эди.
Бундан ташқари, Ташқи савдо вазирлиги қошидаги «Ўзтрейд» акциядорлик жамияти бошқаруви раиси этиб, Дониёр Садиқович Кадиров тасдиқланди.
Кадиров бунга қадар «Ўзагроэкспортбанк» акциядорлик тижорат банки бошқаруви раисининг ўринбосари бўлган.
«Ўзтрейд» АЖ ҳам Шавкат Мирзиёевнинг 2017 йил 26 майдаги қарори билан ташкил қилинган. Бу ташкилот маҳаллий маҳсулотларга хориждан янги бозор ва харидорларни топишга масъулдир.
Сўнгги янгиликлар
-
23 декабрь 15:55 -
18 декабрь 10:30
-
17 декабрь 15:32
-
17 декабрь 11:19
-
16 декабрь 15:00
-
16 декабрь 11:35 -
23 октябрь 12:14
-
16 октябрь 15:03
-
15 октябрь 11:49
-
9 октябрь 15:39
