36477

Япония Россияга норозилик билдирди

Дунё 19 апрель 14:48 202

Бугун Токиода ўтказилган матбуот анжуманида Япония Вазирлар Маҳкамаси бош котиби Ёсихидэ Суга Курил оролларида жойлаштирилган РФ Шарқий ҳарбий округи ўқув-тайёргарлик мажмуаларида назорат текшируви доирасида ўтказилаётган Тинч океани флоти авиация ва кемаларининг кенг кўламли ўқув-машғулотлари учун Япония Россияга норозилик билдирганини маълум қилган.

«Биз дипломатик каналлар орқали норозилик билдирдик, чунки тўртта оролда ҳарбийлар (Россия Федерациясининг борлиги) кучайиб бориши Япония позициясига зид келади. Бу муаммони бир бутунликда ечиш учун аввало бу оролларнинг ҳудудий тегишлилик масалаларини ҳал қилиб олишимиз керак”, деган Ёсихидэ Суга.

Маълум бўлишича, Тинч океани флоти авиация ва кемаларининг кенг кўламли ўқув-машғулотларида 2,5 мингдан зиёд киши ва 800 та техника қатнашмоқда.

Аслида айни масала юзасидан Япониянинг Россияга норозилик билдириши негизида кўп йиллардан буён Москва ва Токионинг Курил оролларининг жанубий қисмига эгалик қилиш масаласида бир тўхтамга келолмаслиги сабаб. Чунки Иккинчи жаҳон урушидан кейин бутун архипелаг собиқ Иттифоқ таркибига ўтган бўлсада, Япония Итируп, Кунашир, Шикотан ва бошқа бир гуруҳ оролларни ўзига тегишли эканлигини таъкидлаб келади.

Изоҳ билдириш