Трамп Россияга қарши янги санкциялар тайёрлашга буйруқ берди
АҚШ президенти Дональд Трамп Оқ уйга Россияга қарши янги санкциялар тўпламини тайёрлаш ҳақида топшириқ берди. Бу РФ ўрта ва кичик масофалардаги ракеталарни йўқ қилиш тўғрисидаги битимни бузгани туфайли юз берди. Бу ҳақида Оқ уй сайтида маълумот берилган.
Хужжатда давлат котиби Майк Помпео, миллий разведка раҳбари ҳамда молия, мудофаа, савдо-сотиқ вазирлари 2018 йилга мўлжалланган ҳарбий бюджет тўғрисидаги ҳужжатнинг 1244 «C» бандида кўрсатилган талабларни бажариши керак. Ҳужжат «Россияга қарши қўшимча санкцияларни киритиш режаси» деб номланган. Аслида режа Трамп томонидан тузилиши керак, бироқ у ўз ваколатларини вазирларга топширишга қарор қилган.
1244-бандга мувофиқ Россия мажбуриятларни бажармагани учун муайян шахсларга нисбатан чора кўрилиши ҳақидаги ҳужжатни президент ишлаб чиқиши ва конгрессга киритиши керак. Ҳужжатга асосан, Россиянинг келишувни бузишига олиб келган қарорлар учун масъул бўлган шахсларга нисбатан чора кўрилиши керак. Шунингдек, Россия ҳукумати вакилларига нисбатан ҳам санкциялар жорий қилиниши мумкин.
Ҳисоботда санкциялар жорий этиладиган шахслар рўйхати тақдим этилиши лозим. Эҳтимолий чоралар орасида АҚШда активларни блоклаб қўйиш, мамлакатга киришни тақиқлаш, шунингдек, президент томонидан ишлаб чиқиладиган бошқа исталган санкциялар бор.
Сўнгги янгиликлар
-
20 декабрь 9:33 -
16 декабрь 17:44
-
16 декабрь 10:41
-
23 октябрь 10:20
-
26 сентябрь 10:32
-
24 сентябрь 11:37 -
10 сентябрь 13:11
-
6 сентябрь 11:28
-
23 август 10:34
-
21 август 8:59
