46502

Сенатор Жон Маккейн 81 ёшида касалликдан вафот этди

АҚШда республикачи сенатор Жон Маккейн 81 ёшида саратон касалидан вафот этди, деб хабар қилди NBCNews.

“Сўнгги йил давомида сенатор бош мия саратонининг фаол кўринишига қарши кураш олиб бораётган эди. Сенатор вафот этганда унинг ёнида рафиқаси Синди ва оила аъзолари бўлган. Жон Маккейн АҚШга 60 йил хизмат қилди” – дейилган хабарда.

Маккейн американинг энг кучли сиёсатчиларидан бири ҳисобланар эди. У бир неча йил давомида қаттиққўл ташқи сиёсат олиб бориш ва Россияга қарши санкциялар киритиш тарафдори сифатида танилган.

Бир неча ой олдин, сенаторнинг оғир касаллиги маълум бўлганидан сўнг, унинг оила аъзолари, сенатор ва президент орасидаги муносабатларнинг “унчалик яхши эмаслиги” туфайли, Маккейннинг таъзиясида АҚШ президенти Дональд Трампни кўришни хохламасликларини маълум қилишган эди.

Жон Маккейн 1936 йилда туғилган Панамадаги авиабазада ҳарбийлар оиласда туғилган.  Денгиз авиациясида хизмат қилган. Въетнам уруши вақтида унинг самолёти уриб туширалади ва Маккейн асирга олинади. Асирликда Маккейн 5,5 йил ўтказади. Америкага қайтганидан сўнг Республикачилар партиясига аъзо бўлиб, сиёсат билан шуғуллана бошлайди. 1986 йилда Аризона штатидан сенатор бўлиб сайланади. Жон Маккейин икки маротаба АҚШ президентлигига номзод бўлган 2000 ва 2008 йилларда. Биринчи маротаба у Жорж Буш кичикка ютқазган иккинчи маротаба эса – Барак Обамага.