Петербург теракти ташкилотчиларидан бири Акрам Азимов ҳибсга олинди
Санкт-Петербург метросидаги теракт ташкилотчиларидан бири сифатида қўлга олинган Акрам Азимов икки марта Туркияга сафар қилган. Бу ҳақида Москва Басман судида тақдим этилган тергов материаллари гувоҳлик беради.
«Паспортдаги маълумотларга кўра, гумонланувчи Туркияга икки марта борган — 2016 йилнинг декабрида ва 2017 мартида», — дея судьянинг сўзларини келтирган РИА Новости.
Бундан олдинроқ Азимов терактга алоқадорлигини рад этгани айтилганди.
ФСБ Акрам Азимовни теракт тайёрланиши учун фойдаланилган маблағларни етказиб берганликда гумон қилиб қўлга олганди.
У тергов жараёнида ўзига қўйилган айбларни тан олган.
Тергов қўмитаси маълумотига кўра, Акбаржон Жалиловга халқаро террорчи ташкилотлардан бири орқали маблағ етказиб берган.
«Тергов тақдим этган маълумотларга кўра, Азимов Жалилов билан алоқада бўлган ва унга пул етказиб берган. У пул маблағларини Туркиядаги халқаро террорчи ташкилотдан олган», — дея судья Елена Ленскаянинг Азимовни ҳибсга олиш ҳақидаги қароридан иқтибос келтирган РИА Новости.
Қайд этилишича, Азимов «ҳужжатларни сохталаштириш» билан шуғулланган. Бу орқали у террорчиларнинг Россияга бемалол кириб келишини таъминлаган.
18 апрель куни Акрам Азимовнинг укаси Аброр Азимов ҳибсга олинганди.
Сўнгги янгиликлар
-
20 декабрь 9:33 -
16 декабрь 17:44
-
16 декабрь 10:41
-
23 октябрь 10:20
-
26 сентябрь 10:32
-
24 сентябрь 11:37 -
10 сентябрь 13:11
-
6 сентябрь 11:28
-
23 август 10:34
-
21 август 8:59
