Бугун, 13 июнь соат 18:00дан 20:00га қадар Тошкент шаҳридаги баъзи кўчаларда автотранспортлар ҳаракати вақтинча чекланади. Бу ҳақда пойтахт ИИББ ахборот хизмати хабар берган.
Хусусан, Шароф Рашидов кўчасининг Хуршида кўчасидан Кичик халқа йўлигача бўлган қисмида;
Кичик халқа йўлининг Шароф Рашидов кўчасидан Лабзак кўчасигача бўлган қисмида;
Лабзак кўчасининг Нурафшон кўчасидан Кичик халқа йўлигача бўлган қисмида автотранспортлар ҳаракати вақтинча чекланади.
«Юзага келган ноқулайлик учун узр сўраймиз», – дейилади ИИББ хабарида.