2622

Арнольд Шварценеггер президент Трампни “қароқчилик”да айблади

Охирги пайтларда бўлиб ўтаётган  Дональд Трамп ва таниқли актёр, Калифорния штатининг собиқ губернатори Арнольд Шварценеггер ўртасидаги қарама-қаршиликлар ҳеч кимга сир эмас.

Бу сафар Арнольд Шварценеггер президентнинг дарслардан кейинги тўгараклар учун ажратиладиган 1,2 миллиард долларлик ҳукумат ёрдамини бекор қилиш ҳақидаги қарорини кескин танқид остига олди.

Дарслардан кейинги тўгараклар бутун АҚШ бўйлаб ташкил қилинган кенг кўламли дастур бўлиб, мамлакат бўйлаб барча таълим муассасаларида ёшларнинг дарсдан ташқари кўникмаларини ривожлантириш учун фойдаланилади.

Жанубий Калифорния университетида ташкил қилинган саммит доирасида Шварценеггер президентнинг дастурни молиялаштиришни 1,2 миллиардга қисқартириш қарори хусусида фикр билдирди.

“Президент Трамп бизга “Америка яна буюк давлатга айлантираман” деб ваъда берган эди. Американи бундай – ёш болаларни тўнаб, 1,2 миллард долларни олиб қўйиб, буюк қилинмайди”, – деди актёр юзлаб дастур етакчилари қаршисида.

У етакчиларга қарата: “Сизларга қарасам, жангчиларни кўряпман. Биз Вашингтонга борамиз, таслим бўлиш йўқ”, – дея президентнинг қарори ўзгартирилишига эришишга ваъда берди Шварценеггер.